प्रबध, प्रबिन आरो प्राग्य सोलोंनायाव गावखौनो हेफाजाब हो।

मोनसे गोसो दुंथाव सोलोंनाय।

गुबुन भारतारि रावफोरनि हेफाजाबै हिन्दी सोलोंनो बेयाव क्लिक खालाम।

सोलोंथाय आरो राव सोलोंनाय / फोरोंनायखौ लानानै जोंनि जिउनि फ्राय गासैबो बिथिंखौनो कम्पुटारनि बाहायनाया दावगाहोबाय। कम्पुटारनि दावगानाय, मिथिंगायारि नङै सोलो आरो बांमोखाङारि बाहाय बिगियानफोरनि हेफाजाबै राव सोलोंनाय आयदाखौ दाफुंनाया जाथावना जाबाय। बेफोरनि हेफाजाबै अडिअ', भिजुयेल आरो भ्डिअ' नि हेफाजाबजों गोख्रों आरो मोगा-मोगियै फोरोंनाय खान्थि बाहायनाय जायो। असमिया, बेंगलि, गुजराति,कानाडा,काश्मिरि, मालायालम, मनिपुरि, माराती, नेपालि, उरिया, पान्जाबि, तामिल आरो टेलेगु बिजोंजों हिन्दी सोलोंनो थाखाय दानि लिला (लार्निं इण्डियान लेंगुयेजेज थ्र' आरटिफिसियेल इन्टिलिजेन्स) हिन्दी प्रबध, प्रबिन आरो प्राग्य आयदाफोरा वार्ल्ड वाइड वेबआव मोनसे बाहायग्रानि लोगोबादि आरो गोहोम गोनां आइजें बादि हेफाजाब होयो। .

बेफोर आयदाफोरखौ सासे सुबुं आरो सोलोंसा हान्जाफोरा समानैनो बाहायनो हायो। नाथाय, बेफोरो फोरोंगिरिनिसोलायै बाहायजानाय आयदा नङा। फराय आयदाफोरखौ गोसो बोथाव खालामनो, सानफ्रोमबोनि हाबाफारिखौ फुसुंनो आरो सोलोंसाफोरनि गोनां जेंनाफोरखौ दिन्थिना होनायनि खाबुनि थाखाय फोरोंगिरियाबो बेफोर आयदाफोरखौ बाहायनो हायो।.

बेफोर फरा आयदाफोरा हिन्दी प्रबध, हिन्दी प्रबिन आरो हिन्दी प्राग्यनि फराय-फारिफोरजों सोमोन्दो गोनां। बेफोरो भारत सोरखारनि न'खर मन्थ्रि आफादनि अफिसियेल राव बिफानजों थाखो खथायाव फोरोंनाय आरो गोजान सोलोंथायनि थाखाय बाहायजाखानाय। .

लिला हिन्दी प्रबध

लिला हिन्दी प्रबधनि थांखिया जाबाय हिन्दी रावनि गुदि गियान होनाय। सासे फरायसाखौ अफिसियेल रावाव गावनि सानफ्रोमबोनि हाबाखौ सोलिलांहोनायाव जाफुंहोनो थाखाय बेयो गिबि थाखोनि फराय आयदा। बे आयदायाव हांखो-हाला, सोदोब बाख्रि, फरा आयदाफोर (मोन 51 आयदा) आरो सोदोब बिहुं बाहागो दं। .

1. हांखो-हाला बाहागो

• खौरां हांखो आरो गारां हांखो आयदायाव मोनफ्रोम हांखोखौ माबोरै रिंसार होनांगौ बेखौ नोंथाङा सोलोंगोन। मोनसे हांखोनि रिंसारथिखौ खोनासंनो थाखाय बेखौ क्लिक खालाम।.
  
• गारां हांखो महर, दाजाब हांखो आरो गन्थङारि रिंसार आयदाफोरा नोंथांनो थार फोरमायथि, गुदि नेम आरो मोनफ्रोमबो हांखोनि बिदिन्थिफोर होगोन।.
  
• सोदोब दानाय आयदाया सावगारिफोरनि हेफाजाबै सोमोन्दो थानाय सोदोबफोर आरो बेफोरनि ओंथिफोरखौ फोरोङो। सोदोबफोरनि रिंसारथि आरो सुरखौ सोलोंनो थाखाय मोनसे रावनि खाबुखौ होनाय जादों।.
  
• देभनागारि हांखोनि हांखो-हाला लिरनायखौ मोनसे गोर्लै आरो सावरायज्लायनाय आदबजों फोरोंनाय जादों। लिरनायनि आखाय बिलिरथिखौ फारि फारियै दिन्थिनानै मोनसे हांखोआ सायखनाय मोनफ्रोम हांखोखौ स्क्रिनाव आखियो। हांखो दोनाय खाबुजों लोगोसे मोननैसो बिदिन्थि सोदोबफोरबो दं। .

2. सोदोब बाख्रि बाहागो। 

• सोदोब बाख्रि बाहागोआ सावगारि, सोदोबनि खेला आरो उनसोलोंथिफोरनि गेजेरजों नोंथांखौ बाहागो रान्नाय सोदोब बाख्रि फार्से मिथिसार होयो। सोदोब बाख्रि बाहागोखौ सायखयाब्ला नोंथाङा गाहायाव होन्नाय उफ्राफोरखौ मोनगोन :

  1. सरासनस्रा सोदोब बाख्रि (सावगारि गोनां)
  2. मावखुलिफोरनि मुंफोर

  3. बिबानफोर
  4. मन्थ्रि आफादनि मुंफोर

• सरासनस्रा सोदोब बाख्रि बुथामाव क्लिक खालामोब्ला नोंथाङा सावगारिफोर थानाय माखासे बाहागोफोर मोनगोन। बेफोर बाहागोफोरनि जायखि जाया मोनसेयाव, क्लिक खालामालासे, माउसखौ फजब्ला गाहायाव होनाय मेनुया नुजागोन :

  1. सोदोबनि ओंथि

  2. उनसोलों 1
  3. उनसोलों 2
  4. उनसोलों 3
  5. उनसोलों 4
  6. गलाय-गथाय हांखोफोर

• फरा आयदा टेबाव क्लिक खालामोब्ला नोंथाङा फरा आयदानि फारि नं थानाय मोनसे सावगारि नुगोन। लिला हिन्दी प्रबधआव गासै मोन 26 फरा आयदाफोर दं। माउसखौ नोंथाङा लुबैनाय फरा आयदानि फारि नं सायाव लांनानै क्लिक खालाम।.
  
• मोनफ्रोम फरा आयदाखौ आरोबाव गाहायनि बाहागोफोराव रान्नाय जादों :

  1. खौमोन बाहागो

  2. दाथाय दिन्थिनाय बाहागो
  3. बुंफुरलु बाहागो
  4. गोदान सोदोबफोरनि बाहागो
  5. सोदोब नखर बाहागो
  6. रावखान्थि बाहागो

  7. सर' खालामनाय बाहागो
  8. उनसोलोंथि बाहागो आरो

  9. आनजाद बाहागो

• मोनफ्रोमबो फरा आयदानि बुंफुरलु बाहागोआव - बाथ्रा खोलोब थाखोनि भिडिअ दामनाय, बाथ्रा थाखोआव भिडिअ' दामनाय, बाथ्रा खोलोब थाखोआव अडिअ दामनाय, बाथ्रा थाखोआव अडिअ दामनाय, सोदोब थाखोआव अडिअ दामनाय,बाथ्रा खोलोबनि राव सोलायनाय, फरा आयदानि बुंफुरलुनि आबुङै राव सोलायनाय, सोदोब आरो बाथ्रा मोन्नैबो थाखोआवनो रेकर्ड आरो कम्पेयार खाबु, बायदि बायदि दङ। फैसालिनि गोजौ बाहागोनि आगदा फार्से ख'नायाव होनाय "उननि बाहागो" आरो "सिगांनि बाहागो " बुथामफोराव क्लिक खालामनानै नोंथाङा मोनसेनिफ्राय गुबुन मोनसे बाहागोसिम नेभिगेट खालामनो हायो।.
  

 नायनो गोनां : आयदानि जायाखि जाया बाहागोसिम थांनो थाखाय नोंथाङा "भिगेसन मेनु"खौ एबा माउसनि आगदाथिं क्लिक खालामनानै मोन्नाय "शर्टकाट मेनु"खौ बाहायनो हायो। बांसिन रोखायै मिथिनो थाखाय "एफ1" खौ थुनानै होयोब्ला- ंहेफाजाब उइण्ड नुजाखांगोन। बाहागोखौ सायख जेराव नोंथांनो हेफाजाबखौ गोनांथि जायो। .

4. सोदोब बिहुं बाहागो

• "सोदोब बिहुं टेब"आव क्लिक खालामनानै नोंथाङा सोदोब बिहुंखौ थोंजोङै बाहायनो हायो। "नेभिगसन" मेनु एबा "शर्टकाट" मेनु निफ्रायबो नोंथाङा सोदोब बिहुंखौ लाबोनो हायो। हांखो-हालानि फारिलाइजों लोगोसे मोनसे स्क्रिना नुजागोन। .

•  दिहुन्नो गोनां सोदोबनि गिबि हांखोजों गोरोबनाय हांखोआव क्लिक खालाम। 59. आगसिथिं फिसा बाक्सुयाव सोदोबनि फारिलाइ दिनथिफुंनाय निफ्राइ गुबुन बिलाइआव थांनो हायो। .
  
•  दिहुन्नो गोनां सोदोबाव क्लिक खालाम आरो आगदाथिंजाय गाहायनि फोरमायथिया नुजागोन: हिन्दी सोदोब, बेनि ओंथि आरो रावखान्थियारि मान (जेरै-मुंमा, थाइजा, आथोन, सरासनस्रा फोरमायथि, बायदि बायदि) .
  
• गोनांथि बादियै हारिमुवारि बेखेवथिखौबो होनाय जादों।.
  

मोनथिनो गोनां : बेयो मोनसे सिमा गोनां सोदोब बिहुं। .

लिला हिन्दी प्रबिन

लिला हिन्दी प्रबिनआ सोरखार आरो आयेन आफादनि साख्रि मावग्राफोरनि थाखाय दिहुनजानाय नैथि थाखोनि आबुं हिन्दी फराय आयदा। लिला प्रबध आयदाखौ फोजोबनायनि उनाव जौगासार हिन्दी राव सोलोंनो थाखायबो बेयो बाहायथावना। बेनि थांखिया जाबाय सानफ्रोमबोनि जिवाव हिन्दी रावजों रायज्लायनो थाखाय थोजासे गियान लानायाव नोंथांखौ हेफाजाब होनाय आरो गुदि रावखान्थि बाहायनानै हिन्दी रावखौ लिरनायाव नोंथांखौ आखा-फाखा खालामनाय। .

प्रबिन आयदायाव फरा आयदाफोर (मोन 24 फरा आयदा आरो मोन 4 नायफिन्नाय आयदाफोर) आरो सोदोब बाख्रि बाहागो दं। .

1. फराय आयदा बाहागो

• प्रबिननि फरा आयदा बाहागोआव प्रबधनि गासै मोन 9 बाहागोफोर दं।. बाथ्रा खोलोब थाखोआव भिडिअ दामनाय, बाथ्रा थाखोआव भिडिअ दामनाय, बाथ्रा खोलोब थाखोआव अडिअ दामनाय, बाथ्रा थाखोआव अडिअ दामनाय, सोदोब थाखोआव अडिअ दामनाय, बाथ्रा खोलोबनि राव सोलायनाय, फरा आयदानि बुंफुरलुनि आबुङै राव सोलायनाय, सोदोब आरो बाथ्रा मोन्नैबो थाखोआवनो रेकर्ड आरो कम्पेयार खाबु, बायदि बायदि आखुथायफोरबो दं। .

• "सोदोब बिहुं टेब"आव क्लिक खालामनानै नोंथाङा सोदोब बिहुंखौ थोंजोङै बाहायनो हायो। नोंथाङा "भिगेसन मेनु" एबा "शर्टकाट मेनु" निफ्राय सोदोब बिहुंखौ बाहायनो हायो। हांखो-हालानि फारिलाइजों लोगोसे मोनसे स्क्रिना नुजागोन।.
• दिहुन्नो गोनां सोदोबनि गिबि हांखोजों गोरोबनाय हांखोआव क्लिक खालाम। आगसिथिं फिसा बाक्सुयाव सोदोबनि फारिलाइ दिनथिफुंनाय निफ्राइ गुबुन बिलाइआव थांनो हायो। .
• दिहुन्नो गोनां सोदोबाव क्लिक खालाम आरो आगदाथिंजाय गाहायनि फोरमायथिया नुजागोन: हिन्दी सोदोब, बेनि ओंथि आरो रावखान्थियारि मान (जेरै-मुंमा, थाइजा, आथोन, सरासनस्रा फोरमायथि, बायदि बायदि) .
• गोनांथि बादियै हारिमुवारि बेखेवथिखौबो होनाय जादों। .

मोनथिनो गोनां : बेयो मोनसे सिमा गोनां सोदोब बिहुं। .

लिला हिन्दी प्राग्य

मिरु सोरखारजों सोमोन्दो थानाय अफिसियेल लिरबिदांफोर, जेरै-बेखेवथि, बिथोन, गोसोखां बिलाइ आर'ज बिलाइ, मिथिसार बिलाइ, फोसाव बिलाइ, फोरमायथि बिलाइ, हाबाफारि बिलाइ, आफादनि गरन्थ' बिलाइ, खावलायनाय बिलाइ, गोसोखांहाग्रा बिलाइ, रादाब, सोरखारि फोसाव बिलाइ, बायदि बायदिखौ हिन्दी रावजों लिरनायाव सोलोंसाफोरखौ आखा-फाखा खालामनायाव हेफाजाब होनो थाखाय लिला हिन्दी प्राग्य फरा आयदाखौ बानायनाय जायो। बेयो सोलोंसाफोरखौ हिन्दी रावनि थि टेकनिकेल सोदोब आरो बेखेवथिफोर बाहायनायावबो आखा-फाखा खालामो। सोरखारि मावखुलिफोरनि दाथाय, बायदिसिना सर' आरो मावफारि,सोरखारि फाइल खान्थि, हाबा मावनायनि दिन्थि, बिफानफोरनि गेजेराव खामानि रान्नाय आरो बेफोर मावखुलिफोराव बाहायनाय गुबुन गुबुन रोखोमनि लिरथाय, महर आरो दाथायनि सोमोन्दै थोंजोङै एबा खेंसालियायै फोरमायथि होनो थाखाय बे आयदानि बिजाबाव बाहायनाय फरा आयदा आरो बुंफुरलुफोरखौ दानाय जादों। .

गुबैयै बे फरा आयदाया मिरु सोरखारारि आरो खाव सोरखारारि मावखुलिफोर, पाब्लिक सेक्टर आन्दारतेकिंस, आयेन आफाद आरो रांखान्थियारि फसंथानफोरनि साख्रि मावग्राफोरनि थाखाय जायफोर अफिसियेल रावाव गावसोरनि हाबाखौ मावफुंनो थाखाय हिन्दी राव बाहायनायाव आखा-फाखा जानाया गोनांथार। .

प्राग्य फरा आयदा बाहायनायनि रोंगौथि बादियै बाहायग्राया हिन्दी प्रबिन फराय आयदाखौ फोजोबनाय जानांगोन आरो नङाब्ला बेनि समान माननि हिन्दी राव रायनाय आरो लिरनायाव हाबा मावनायनि गियान थानाय जानांगोन। जायनि बिमानि रावा हिन्दी नाथाय हिन्दी रावजों मावखुलिनि हाबाखौ मोजाङै मावफुंनो हाया आरो जायहा मावखुलियाव बाहायनाय सोदोब, फोरमायथि, टेकनिकेल सोदोब, बायदिनि थि गियाननि गोनांथि दं बिसोरबो बे फरा आयदाखौ बाहायनो हायो। .

प्राग्य फराय आयदानि दाथाय

बे फरा आयदानि बिजाबाव मोन 31 फरा आयदाफोर दं आरो बेयो मोनब्रै बाहागोआव रानजानाय : 

          1. रावखौ बिथा खालामनानै नायफिन्नाय फरा आयदाफोर (1-6) 
          2. लिरबिदां लिरनाय (7-18) 
          3. हिन्दीयाव बेखेवनाय (19-21) आरो 

          4. गुदि आनजादफोर (1-10)

• बे उफ्रा बाहागोआव मावखुलियाव बाहायनाय महर आरो दाथायफोर बिदिन्थिफोरजों लोगोसे बर' -हिन्दी टेकनिकेल सोदोबफोर आरो फोरमायथिफोरनि फारि बुंफुरलु थायो। .

• "सोदोब बिहुं टेब'आव क्लिक खालामनानै नोंथाङा सोदोब बिहुंखौ थोंजोङै बाहायनो हायो। नोंथाङा "भिगेसन मेनु" एबा "शर्टकाट मेनु" निफ्राय सोदोब बिहुंखौ लाबोनो हायो। हांखो-हालानि फारिलाइजों लोगोसे मोनसे स्क्रिना नुजागोन। .
• दिहुन्नो गोनां सोदोबनि गिबि हांखोजों गोरोबनाय हांखोआव क्लिक खालाम। आगसिथिं फिसा बाक्सुयाव सोदोबनि फारिलाइ दिनथिफुंनाय निफ्राइ गुबुन बिलाइआव थांनो हायो। .
• दिहुन्नो गोनां सोदोबाव क्लिक खालाम आरो आगदाथिंजाय गाहायनि फोरमायथिया नुजागोन: हिन्दी सोदोब, बेनि ओंथि आरो रावखान्थियारि मान (जेरै-मुंमा, थाइजा, आथोन सरासनस्रा फोरमायथि, बायदि बायदि)। .
• गोनांथि बादियै हारिमुवारि बेखेवथिखौबो होनाय जादों। . 

मोनथिनो गोनां : बेयो मोनसे सिमा गोनां सोदोब बिहुं। . 

जों मिजिं थियोदि सोरखारि साख्रि मावग्रा, फारायसा आरो फोरोंगिरिफोरा बेफोर आयदाफोरखौ मोजाङै, गोसो बोथावै आरो गोरलैयै बाहायनो हायो। जों नोंथांमोननि उन बिबुंथिखौ आरो बोसोनफोरखौ बरायो। .

गुबुन भारतारि रावफोरनि हेफाजाबै हिन्दी सोलोंनो बेयाव क्लिक खालाम।